Oihana ikastolaBesta Xaho kaian egun osoan! Korrikaren sostenguz, Baionako hainbat elkarteek antolaturik, ikastola barne. Jakinez ikastolen kilometroa justu ondoan izanen dela! Besta 10:00etatik haste. Haurrentzat animazioak, mutxikoak, bertso poteoa, bazkaria, Baionan
kantuz, taloak, Basa txaranga! Markatu eguna agendan!!!!
Euskaraz bizi taldeak hitzordu berezia proposatzen dizue abenduaren 3an, larunbatez, 10:00etatik 13:00a arte. Eguberriko merkatu bat antolatua izanen da karia hortara, kultur ekoizpen batzuekin (liburuak, DVDak, musika, jokoak…) baita ere tokiko ekoizle batzuen parte hartzearekin. Eguberriko kantuek alaiturik!
Ekainaren 16 eta 17an, Irisarrin burututako egonaldian, lehen mailako 4. eta 5. urteko ikasleek Baxe Nafarroko eta Lapurdiko Erdi Aroko eraikuntzak ezagutu eta aztertu zituzten: gotorlekuak, baserriak, zitadelak, bastioak, atalaiak, erlaitz hetsiak, pezoinak eta hainbat defentsa elementu ere.
Libre plume elkarteak “Pijama gaualdi” bat antolatu du gure ikastolan, Euskaraz bizi taldearen laguntzarekin, ekainaren 17an. Euskarazko haur literaturaren inguruan une goxo baten iragaiteko parada izan da, haurren eta aitamen artean!
