Oihana ikastolaAurten ere biziki egun goxoa pasatu zuten gure ikasleek Sarako Ikusi Mikusi festibalean. Atelierretan parte hartu zuten, liburu azokan itzuli bat egin, ikusgarriak gozatu, elkarrekin piknikatu eta gainera bakoitza liburu batekin sartu zen etxera!
Aurtengo lehen Biltzar Nagusia berezia izanen da BILen Biltzar Nagusia ere iraganen baita ondotik Oihana ikastolan. 10etan Oihanarena eta 11:30e tan BIL-ena izanen dira. Gero Poloko eta Oihanako guraso eta haurrentzat aperitifa eta bazkari eder bat gure ikastoletako musikariek alaiturik. Parada bikaina elkar ezagutzeko eta bi ikastolen arteko harremanak sendotzeko! (Bazkarirako izen-emateak azpian).
Gaur, Mintzalasai festibalaren karietara, Baiona eta Miarritzeko ikastoletako eta sail elebidunetako ikasleek euskarazko kirol eta kultur topaketa batean parte hartu dute. GAIA elkartearen eskutik euskal joko eta herri kirolak ezagutzeko parada izan dute.
Ikasturte berria abiatu da eta horra lehen epe honetako ekimenak: pizina, “Ikusi Mikusi” festibalera bisita, Bizi Jolas, Bertsu, Gau Beltza … eta gurasoentzat, sartze bilkurak!
