Gure ikastola ezagutu nahi duten haur eta guraso berriek parada ukanen dute heldu den martxoaren 27an, larunbatez. Haatik hitzordu baten hartzea aitzinetik derrigorrezkoa izanen da.
Kategoriak
Berantetsia genuen! Aterpe berria ezarri digute urtarrilaren 13an. Karpa handi baten itxura du. Gure haurrek erabiltzen ahalko dute ikastolako arraberritze obren denboran.
Euskaraldia 2020ko azaroaren 20tik abenduaren 4ra iraganen da. Eta gure ikastola, nola ez, “Ari Gune” identifikatua da. Beraz gure aldi orain: euskararen alde egin dezagun denek elgarrekin, ahal oroz praktikatuz. Aurten, hirugarren perfil bat esperimentatuko dugu ikastolan, “Bihotz Bero”, euskara (oraindik) ez dakitenei zuzendua zaiena.
Gure ikastolako “Euskaraz bizi” taldeak familiendako interesgarriak izan daitezkeen baliabideak bildu ditu padlet batean, hau da sareko plataforma kolaboratibo batean (irudiak, estekak, bideoak partekatzeko balio duena). Emaiozue behako bat! Lagungarri izanen zaizue egunero euskaraz bizitzeko.